Женевадағы аукционда әлемдегі ең қымбат лағыл тас 8,6 млн. долларға сатылды
АСТАНА. ҚазАқпарат - Лондон тұрғыны Лоуренс Графф Женевадағы Sotheby's аукцион үйі ұйымдастырған саудада лағыл тасты рекордтық бағаға - 8,6 млн долларға сатып алды.
Бұл туралы Reuters агенттігі хабарлады.
«Бұл әлемдегі ең таза лағыл тас», деп мәлімдеді «Гауһар тастар королі» атымен танымал Графф.
Асыл тастың ерекшелігі, оның ашық қызыл түсті болуында. Әлемде қымбат тастарға әуесқойлар осы түске аса құмар. Ал саудаланған тас Мяньмадағы лағылдар алқабында табылған. Салмағы 8, 62 карат.
