Жеңіліп көрмеген ауыр салмақ чемпионы Головкинді әлемдегі үздік боксшы атады
АСТАНА. ҚазАқпарат - Австралиялық боксшы Лукас Браунға (24-0, 21 КО) Твиттердегі оқырмандарының бірі өз дивизионындағы (ауыр салмақ) спортшыларды есепке алмағанда, қазіргі уақыттағы әлемнің ең мықты боксшысын таңдауды ұсынды.
Өз кезегінде Браун орта салмақтағы қазақстандық Геннадий Головкинді (37-0, 33 КО) үздік боксшы деп санайтынын атап өтті, деп жазады Sports.kz.
Еске сала кетсек, 19 наурыз күні Нью-Йоркте Головкин төрешілердің бірауыздан шешімімен америкалық Дэниэл Джейкобсты (32-2, 29 КО) жеңіп, 18-ші рет өз атақтарын (WBA Super, IBO, WBC және IBF) сәтті қорғап қалды.
