Жеңіс Қасымбек ширақ қимыл көрсеткен ІІМ қызметкерлеріне алғыс айтты
АСТАНА. ҚазАқпарат – Елорда әкімі Жеңіс Қасымбек кепілген алынған банк қызметкерлерін құтқару операциясында ширақ қимыл көрсеткен ІІМ қызметкерлеріне алғыс айтты, деп хабарлайды ҚазАқпарат.
Каспи банкінің бөлімшесінде кепілге алынған азаматтарды құтқаруда ерекше ерлік көрсеткен полиция қызметкерлеріне, атсалысқан Ішкі істер министрлігінің басшылығына алғыс айтамын. Сол азаматтардың ширақ қимылының арқасында қылмыскер тез арада құрықталды. Кепілде болған азаматтар жапа шеккен жоқ, дәрігерлердің тексеруінен сол жерде өтті
, - деп жазды әкім фейсбуктегі парақшасында.
Еске салайық, елордадағы Kaspi банктің ғимаратында қаруланған ер адам бірнеше кісіні кепілге алғанын хабарлап едік.
Полиция қызметкерлері кепілге алынған адамдарды босатты.
Ішкі істер министрі Марат Ахметжанов қазір күдіктіге қатысты тергеу амалдары жүріп жатқанын мәлім етті.
