Жеңіліп көрмеген боксшы Теміржан Баймолда алтыншы жекпе-жегінде қарсыласын қапы қалдырды

АСТАНА. KAZINFORM  — «Джентельмен» лақап аты бар қазақ боксшысы Теміржан Баймолда (5-0, 3 КО) кәсіпқой мансабындағы кезекті жеңісіне қол жеткізді, деп жазды Sports.kz.

24 жастағы Баймолда Бангкоктағы (Таиланд) бокс кешінде жергілікті боксшы Афиф Арронгпен (4-5, 3 КО) кездесті. Жартылай орта салмақтағы жекпе-жек төрт раундқа жоспарланған және белгіленген уақытқа созылды. Төрешілер бірауыздан жеңісті қазақстандыққа берді.

Осылайша, Теміржан Баймолда кәсіпқой бокстағы алтыншы жекпе-жегінде жеңіске жетіп, жеңіліссіз келеді. Ал Афиф Арронг алтыншы рет жеңіліп отыр. Ол мансабында бес рет жеңіске жеткен.