Жердің Солтүстік жарты шарында өткен айда бұрын-соңды болмаған ыстық болды
АСТАНА. ҚазАқпарат - Ресейдің Гидрометорталығы мамандарының мәліметінше, 2014 жылдың маусым айында жердің Солтүстік жарты шарындағы орташа ауа температурасы 2010 жылғы рекордтық көрсеткіштей ыстық болды.
Метеоқызметтен хабарлағандай, шығыс және батыс жарты шарларында оң аномалия (2-4 градустан астам) байқалған.
Атап айтсақ, Ресейде - Сібірдің солтүстігінде, Якутияда, Забайкалье мен Таяу Шығыстың оңтүстігінде; Қазақстанда, Орта Азия республикаларында, Иран мен Иракта; Францияның оңтүстігінде және Италияның солтүстігінде; Қытайдың батысы мен Малайзияда; Канаданың оңтүстік шығысында және АҚШ-тың оңтүстік батысында, сонымен бірге Мексиканың солтүстігінде ауа райындағы ауытқушылықтар орын алған.
