Жеріміз шетелдіктерге сатылмайды - Президент
НҰР-СҰЛТАН. ҚазАқпарат – Жеріміз шетелдіктерге сатылмайды. Бұл туралы бүгін Қазақстан халқына Жолдауын жария еткен ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.
«Келесі жылы ауыл шаруашылығы мақсатындағы жерлерде пайдалану мәселесі бойынша Жер кодексінің кейбір нормаларына енгізілген мораторий күшін жояды. Жеріміз шетелдіктерге сатылмайды», - деді Мемлекет басшысы.
Қазақстан Президенті аграрлық секторға инвестиция тарту ауадай қажет екендігін де баса айтты.
«Кәсіби мамандардың тапшылығы, сонымен қатар аграрлық ғылымның ойдағыдай дамымауы - осы саладағы қордаланған мәселелер», - деді Мемлекет басшысы.
