Жерорта теңізінде 1164 босқын құтқарылды
АСТАНА. ҚазАқпарат - Жерорта теңізінде бірнеше қайыққа мінген мигранттар да күшті дауылға тап болды. Абырой болғанда, оларды Италияның жағалау күзеті мен Еуропалық одақ миссиясының құтқарушылары байқап қалған, деп жазады «Хабар 24».
Нәтижесінде 1200-ге жуық босқын аман қалды. Алайда операция кезінде 6 адамның жансыз денесі табылған. Олардың қай елдің азаматтары екені әзірге белгісіз. Жалпы, биыл Жерорта теңізінде 4 мың 700-ден астам мигрант құрбан болған. Олардың дені Ливиядан Италияға жетпек болған жолында көз жұмған.
