Жетінші «Ғарыштағы соғыстар» фильмінің қазақ тіліндегі тизері жарыққа шықты

АСТАНА. ҚазАқпарат - "Ғарыштағы соғыстар: VII эпизод" ("Звездные войны: VII эпизод" - "Star Wars: Episode VII") фантастикалық фильмінің кезекті бөлімінің қазақ тіліндегі нұсқасы 2015 жылы желтоқсанда көрерменге жол тартуы тиіс.

"Болашақ" қауымдастығының және «Marwin» компаниясының қолдауымен аударылатын фильмнің тизері жарияланды. Осымен қазақ тіліне дубляждалған 12-ші жоба біздің прокатта "Жұлдыздар шайқасы: күштің серпілісі" деп аталмақ. Фильмнің режиссері - Джей Джей Абрамс.

Жеткінші эпизодқа Оскар Айзек, Адам Драйвер, Джон Бойега, Энди Серкис, Донал Глисон, Макс фон Сюдов, Дэйзи Ридли, Лупита Нионго, Гвендолин Кристи сынды актерлер түсті. Сонымен қатар бұрынғы эпизодтарға қатысқан Харрисон Форд (Хан Соло), Марк Хэмилл (Люк Скайуокер), Кэрри Фишер (ханшайым Лея), Питер Мэйхью (Чубакка) өз рөлдеріне оралады.

Кинокартина сюжеті "Ғарыштағы соғыстар: VI эпизод - Джедайдың оралуы" ("Star Wars: Episode VI - Return of the Jedi") фильміндегі оқиғадан 30 жыл өткеннен кейін өрбиді, деп хабарлайды kinostan.kz.