Жетісу облысында қазандық жарылып, жұмысшы мерт болды

ТАЛДЫҚОРҒАН. ҚазАқпарат – Жетісу облысының Көксу ауданында қазандық жарылып, соның салдарынан жұмысшы мерт болды, деп хабарлайды ҚазАқпарат.

Көксу әкімдігінің Instagram парақшасындағы мәліметтерге қарағанда, 1 сәуір күні таңғы сағат 08:52-де Көксу ауданының Қазақстан ауылында қазандық жарылған. Жарылыс 22 шаршы метр аумақта болып, жұмысшы қаза тапқан.

«Қазіргі таңда ешқандай қауіп жоқ. Жарылыстың себеп-салдары анықталу үстінде»,-деп хабарлады әкімдіктің баспасөз қызметі.

Мерт болған жұмысгы 52 жаста. Оның артында 5 баласы қалды.

Айта кетейік, жыл басынан бері Жетісу облысында газ баллоны жарылысынан 4 адам зардап шекті.