Жетісу облысында модульді дәрігерлік амбулатория ашылды
ТАЛДЫҚОРҒАН. ҚазАқпарат - Республика күніне орай Жетісу облысы Алакөл ауданының Еңбекші ауылында модульді дәрігерлік амбулатория халық игілігіне берілді, - деп хабарлайды ҚазАқпарат тілшісі.
Заманауи құрал-жабдықтармен жабдықталған денсаулық сақтау нысанының жалпы құны 78 млн теңге.
Ғимараттың жалпы ауданы 110 шаршы метр, жеті бөлмеден тұрады. Дәрігерлік амбулатория 8 адамды жұмыспен қамтиды.
Естеріңізге сала кетейік, бұған дейін Жетісу облысында медициналық пункттер салынып жатқанын хабарлаған болатынбыз.
