Жетісу облысы: Көктұмадан Достыққа дейін көлік қозғалысына шектеу қойылды
ТАЛДЫҚОРҒАН. KAZINFORM — Жетісуда ауа райының қолайсыздығына байланысты Үшарал-Достық автожолы жабылды. Бұл туралы ҚазАвтаЖол ҰК хабарлады.
«2024 жылғы 27 қарашада сағат 16:30-да Жетісу облысында ауа райының қолайсыздығына байланысты «Үшарал-Достық» автожолының 84-164 шақырым аралығында (Көктұма стансасынан Достық ауылына дейін) көліктің барлық түрінің қозғалысына шектеу қойылады», - делінген хабарламада.
Облыстық жол полициясы қызметкерлері де жүргізушілерге уақытша шектеуге сабырлықпен қарап, шыдамдылық танытуды сұрайды. Құбылмалы ауа райында жолға шығып, тәуекелге бармаңыз.
Еске салайық бұған дейін Жетісуда жол-көлік оқиғасының бір жылда шамамен 3 есе өскенін және Өскеменде қолайсыз метеорологиялық жағдайға байланысты оқушылардың онлайн оқитынын жазғанбыз.
