Жетісу облысында жастарға арнайы грант тағайындалады
АСТАНА. KAZINFORM - Жетісу облысының жастарына арналған «Тәуелсіздік ұрпақтары» грантына байқау жарияланды.
Жобаның басты мақсаты – белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекет тарапынан қолдау.
Жастар келесі 5 бағыт бойынша грант иегері атана алады: мәдениет, ғылым, бизнес, медиа және ақпараттық технологиялар.
Аталған бағыттар бойынша байқауға облыстың 14 жастан 35 жасқа дейінгі жастары қатыса алады.
Үміткерлердің конкурстық өтінімдері мемлекеттік және (немесе) орыс тілдерінде ағымдағы жылғы 2 сәуір мен 2 маусым аралығында электрондық нұсқада [email protected] поштасы арқылы қабылданады.
Қосымша ақпарат пен сұрақтар туындаған жағдайда, байланыс телефоны: 8 (7282) 404-404 (сағат 9.00.-18.00. дейін)