Жетісу облысында жол апатынан бір адам мерт болды
Оқиға Ақсу ауданындағы Көлтабан-Матай тас жолында болды. Ауылдық жолдың 50 шақырымында 63 жастағы жүргізуші Mitsubishi Montero Sport көлігінің руліне ие бола алмай, аударылып қалған, деп хабарлайды ҚР ІІМ баспасөз қызметі.
Оқиға орнынан екі ер адам ауруханаға жеткізілді, олардың біреуі ауруханада көз жұмды.
ҚР ҚК-нің 345-бабына сәйкес тергеу амалдары жүргізілуде. Жол-көлік оқиғасының мән-жайы мен жүргізушінің рөлді басқара алмай қалуының себебі анықталуда.
