Жезқазған ЖЭО-сында 5 қазандықтың үшеуі істен шықты

Жезқазған әкімі Қайрат Шайжанов қаладағы Жылу энергия орталығындағы (ЖЭО) қазандықтардың тоқтап қалуы туралы түсініктеме берді. Қазіргі таңда Ұлытау облысының орталығында 5 қазандықтың тек үшеуі ғана жұмыс істеп тұр, деп хабарлайды Kazinform тілшісі.

Қазіргі уақытта ЖЭО-да 2 қазандық қана жұмыс істеп тұр, жылу желілеріндегі температура нормадан 10 градус төмен, яғни қалыпты 73 градустың орнына, бізде 63 градус.

«Кеше кешке №4 қазандықта жарықша пайда болды. Ақау анықталғаннан кейін қазандық өшіріліп, мамандар жөндеуге кірісті. Қазандық бүгін сағат 20:00-ге дейін қайта іске қосылатын болады. Бүгін сағат 7:15-те №5 қазандықта тағы бір жарықша анықталды. Бұл жөндеу жұмыстары таңертең аяқталады деп күтілуде. №6 қазандық бүгін сағат 10:15-те істен шықты, түтін сорғыш қозғалтқышы істен шыққан. Аталмыш қазандық бүгін түн ортасына дейін қалыпқа келтіріледі деп күтілуде», - деп мәлімдеді қала әкімі Қайрат Шайжанов.

Қала басшылығы осы түнде 4 қазандық жұмыс істеп, температура қалыпқа келеді деп уәде беріп отыр. ЖЭО мамандары таңертең 10.00-де 5-ші қазандықты іске қосуды жоспарлап отыр.