ЖХЛ: «Қазцинк-Торпедо» Рязань командасымен кездеседі
АСТАНА. 17 қараша. ҚазАқпарат - Бүгін Өскемен қаласының «Қазцинк-Торпедо» хоккей клубы өз алаңында «Рязань» (Ресей, Рязань) командасын қабылдайды.
Айта кетейік, бүгінде Жоғары хоккей лигасының жалпытурнирлік кестесінде «Қазцинк-Торпедо» хоккей клубы үшінші орында келеді. Оның еншісінде 40 ұпай бар. Ал оның бүгінгі қарсыласы - «Рязань» командасында - 31 ұпай. Лигада өнер көрсетіп жүрген 26 команданың ішінде ол 15-орында тұр.
