ЖХЛ: «Қазцинк-Торпедоның» бүгінгі қарсыласы - «Буран»(Воронеж)

АСТАНА. 8 қазан. ҚазАқпарат - Өскемен қаласының «Қазцинк-Торпедо» хоккей клубы өз алаңда «Буран» (Воронеж) командасын қабылдайды.

Воронеж қаласының хоккей клубы осал команда емес. Өткен маусымда ол біраз жетістіктерге де жеткен болатын. Биылғы чемпионатта да көрсеткіші біршама тәуір. Осы уақытқа дейін «Буран» он ойын өткізіп, соның алтауында жеңіске жетті. Қазір еншісінде 18 ұпай бар. Соның арқасында «Буран» жалпы турнирлік кестеде бесінші орында тұр. Ал, «Қазцинк-Торпедо» лиганың фавориті болып саналады. Бүгінде өскемендік клуб 27 ұпаймен бірінші орында келеді.