ЖХЛ: «Сарыарқа» командасы «Ладаны» ұтты
АСТАНА. 17 қазан. ҚазАқпарат - Бүгін Қарағанды қаласының «Сарыарқа» хоккей клубы өз алаңында «Лада» (Тольятти) командасын қабылдап, овертаймда жеңіске жетті.
Бұл ойында қарағандылық клуб есепті бірінші болып ашса да, екінші кезеңде қарсыластар таразы басын теңестіріп, бір минуттың (!) ішінде екі бірдей шайбамен алға шықты. Есеп - 1:3. Алайда үзілістен кейін «Сарыарқа» үшінші кезеңді сәтті бастап, таразы басын теңестіре білді. Осымен кезең аяқталып, ойын овертаймға (қосымша уақыт) ұласты. Онда «Сарыарқаның» мерейі үстем болды. Қорытынды есеп - 4:3. Бұл матчтан кейін қарағандылық клуб 17 ұпаймен жалпы турнирлік кестенің 18-ші орнына көтерілді. Жоғары хоккей лигасында өнер көрсетіп жүрген екінші қазақстандық команда - «Қазцинк-Торпедо» да овертаймға жетіп, «Спутник» (Нижний Тагил) командасына 1:2 есебімен жол беріп қойды. Соған қарамастан, Өскемен қаласының хоккей клубы 33 ұпаймен жалпы турнирлік кестеде көш бастап тұр.
