Жібек Құламбаева Штутгарттағы турнирдің финалына шыға алмады
ШТУТГАРТ. ҚазАқпарат – Қазақстандық теннисші Жібек Құламбаева Штутгарттағы (Германия) ITF турнирінің жұптық сайысында финалға шыға алмады. Ол мексикалық Виктория Родригеспен бірге ойнаған болатын, деп хабарлайды ҚазАқпарат Sports.kz сайтына сілтеме жасап.
Жартылай финалда Құламбаева мен Родригес чехиялық Дениса Гиндова мен Каролина Кубановамен кездесіп, үш сетте ұтылды - 6:3, 6:7 (6:8), 7:10.
Осылайша, Жібек Құламбаева Штутгарттағы турнирді осы жерден аяқтады. Турнирдің жүлде қоры – 25 000 доллаh.
Еске салайық, Жібек Құламбаева (WTA рейтингінде 435-орын) Штутгарттағы турнирде жекелей сында да өнер көрсетіп, бірінші айналымда швейцариялық теннисші Надин Келлерден (423-орын) ұтылды - 4:6, 4:6.
