«Жыл волонтері» халықаралық сыйлығына үміткерлердің тізімі жарияланды

АСТАНА. KAZINFORM –  «Жыл волонтері» халықаралық сыйлығы байқауына қатысу үшін өтінімдерді қабылдау аяқталды. «Жыл волонтері» халықаралық сыйлығына онлайн дауыс беру кезеңіне өткен үміткерлердің тізімі жарияланды.  

Мәдениет және ақпарат министрлігінің мәліметінше, техникалық іріктеуден өткен 196 өтінім байқаудың бірінші кезеңіне өтті.

Онлайн дауыс беру 2024 жылғы 20-29 қыркүйек аралығында «Qazvolunteer.kz» сайтында өтеді.

Естеріңізге сала кетейік, сыйлық әлеуметтік және қоғамдық пайдалы міндеттерді шешуге елеулі үлес қосқан отандық және халықаралық волонтерлер мен волонтерлік топтарға, волонтерлік ұйымдарға беріледі.

2024 жылға арналған Жыл волонтері Халықаралық сыйлығын тағайындауға келіп түскен өтінімдер тізімі.