Жылыой ауданында медициналық ұйымдар штаттық режимде жұмыс істеп жатыр
ҚҰЛСАРЫ. KAZINFORM - Атырау облысы Жылыой ауданында медициналық ұйымдар штаттық режимде жұмыс істеп жатыр. Бұл туралы облыстық жедел штабтан хабарлады.
«Жылыой ауданындағы жағдайға қарамастан, барлық медициналық ұйымдар штаттық режимде жұмыс істейді. Қосымша дәрігерлер мен жедел медициналық жәрдем бригадалары тартылды. Барлық эвакуацияланған халықты дәрігерлер тексереді», - делінген хабарламада.
Еске салайық, ауданда жедел желі іске қосылды. Көмекке мұқтаж тұрғындар +7 778 249 0253 нөміріне хабарласа алады.
Құлсары қаласында 500 үйді тасқын су басып, 2400 адам көшірілген болатын.
Қазіргі жағдайға байланысты Құлсары қаласына қосымша техникалар келіп жатыр.
