ЖІӨ былтырғы нақты көлем индексі 107,5 пайызды құрады - Статистика
АСТАНА. 17 ақпан. ҚазАқпарат - 2011 жылдың қаңтар-желтоқсанында еліміздегі жалпы ішкі өнімнің нақты көлем индексі өткен жылдың тиісті кезеңімен салыстырғанда 107,5 пайызды құрады. Бұл туралы ҚР Статистика агенттігінен хабарланды.
Атап айтқанда, агенттік мәліметтері бойынша, ЖІӨ құрылымында тауарлар өндірісінің үлесі 43,1 пайызды, ал қызметтер - 51,9 пайызды құрайды. Нақтылай айтқанда, ЖІӨ құрылымында өнеркәсіп үлесі 31,3 пайызды (өткен жылға 103,3 пайыз), құрылыс 6 пайызды (өткен жылға 102,7 пайыз) құраған. Ал есепті кезеңде ЖІӨ құрылымындағы өнімдер мен импортқа салынған салықтар 7 пайызды құрады.
