«Жиырмалық» Халықаралық валюталық қордың ресурстық базасын 340 млрд. долларға арттыруға шешім қабылдады
АСТАНА. 20 маусым. ҚазАқпарат - «Жиырмалық» Халықаралық валюталық қордың ресурстық базасын 340 млрд. долларға арттыруға шешім қабылдады, Ресей 10 млрд.-қа дейін қаражат бермек.
Бұл туралы бүгін «жиырмалық» саммитінен кейін қорытынды баспасөз мәслихатында РФ Президенті Владимир Путин мәлім етті, деп хабарлады ИТАР-ТАСС.
«Лос-Кабоста талқыланған тақырыптар нәтижесіз қалмайды, ол алдағы Ресейдің «жиырмалыққа» төрағалық етуі барысында іске асырылатын болады», - деді В. Путин. «Жалпы алғанда біз форум жұмысының сабақтастығын сақтап қалуды көздеп отырмыз, сондай-ақ мәселелерді шешу үшін құрылған «жиырмалықтың» өзекті тақырыптарына көңіл бөліп, ден қоюға мүдделіміз», - деді ол.
