Жоғарғы сот кассациялық наразылық негізінде 17 адамды ақтады - Бас прокуратура

None
НҰР-СҰЛТАН. ҚазАқпарат – Биыл Бас прокурордың кассациялық наразылығы бойынша Жоғарғы сот 17 адамды ақтады. Бұл туралы Бас прокуратураның баспасөз қызметі мәлім етті, деп хабарлайды ҚазАқпарат.

«Өткен жылдардағы қылмыстық істер мұқият тексеріледі. Заң сотталған адамның жағдайын жақсарту туралы мәселе қойылған кезде, үкімдерді қайта қараудың мерзімдерін шектемейді.

Мәселен, 16 тамызда Жоғарғы сот прокурордың кассациялық наразылығы негізінде 2012 жылы жасөспірім кезінде ҚК-нің 328-бабы (1997 жылғы ред.) бойынша қылмыс жасаумен байланысты билік өкілі атағын өз еркімен бергені үшін сотталған екі азаматқа қатысты қылмыстық қудалауды тоқтатты. Бұл әрекет үшін қылмыстық жауаптылық 16 жастан басталады. Қылмыс жасалған кезде А. 15 жаста болған. Бұдан басқа, кінә дәлелдемелердің жеткілікті жиынтығымен дәлелденбеген.

Сондай-ақ, қылмыстық құқық бұзушылықтың елеусіздігі 2019 жылы 6 мың теңгеге азық-түлік ұрлағаны үшін кінәлі деп танылған жас әйелге қатысты сот актісінің күшін жоюға негіз болды. Ол жалғыз өзі екі жас баланы тәрбиелеп отырғаны анықталды, олардың ең кішісі бір жасқа толмаған, шарасыздықтан ұрлық жасаған. Залал ұсталғаннан кейін бірден өтелді. Ауыр материалдық жағдай, болмашы залал және оны тез арада өтеу фактісі оның іс-әрекетінің қоғамға қауіп төндірмейтіндігін айғақтады. Жоғарғы сот қылмыстық қудалауды тоқтатты», - делінген ресми хабарламада.

Процеске қатысушылардың шағымдары, облыстар прокурорларының өтінішхаттары және өз бастамасы бойынша қылмыстық істер материалдарын тексеру жалғасып жатыр.


Соңғы жаңалықтар
telegram