Жоғарғы сотта акционерлік қоғамдар туралы заңнаманы қолдану талқыланады

АСТАНА. ҚазАқпарат - 29 маусым күні 15:00-де Жоғарғы соттың кезекті жалпы отырысы болады, деп хабарлайды ҚазАқпарат ведомствоның баспасөз қызметіне сілтеме жасап.

Күн тәртібіне Жоғарғы соттың төрт нормативтік қаулы жобасы қойылған. Олар: жаңадан ашылған деректер бойынша сот актілерін қайта қарау туралы; қылмыстық істер бойынша процестік шығындардың өндірілуі; корпоративтік даулар бойынша заңдардың қолданылуы; акционерлік қоғамдар туралы заңнаманы қолдану.

Ертеңгі отырыста, бұдан бөлек, бірқатар нормативтік қаулылардың күшін жою мәселесі де қаралады.

Отырыстың тікелей трансляциясын Жоғарғы соттың Facebook парақшасынан және YouTube-арнасынан, сондай-ақ жоғарғы сот органының сайты мен «Zakon.kz» порталынан көруге болады.