Жол полициясы велосипедшіден жүргізуші куәлігін талап еткен

АСТАНА. ҚазАқпарат - Ресейдің Санкт-Петербург қаласында Жол-потрульдік қозғалысы инспекторы велосипедшіні тоқтатып, төлқұжат пен көлік жүргізу куәлігін көрсетуді талап еткен, деп хабарлады gazeta.ru «Фонтанка.ру» сайтына сілтеме жасай отырып.

Оқиға 16 шілдеде орын алған. «Полиция қызметкері велосипедшіні тоқтатып, одан велосипед жүргізуге құқық беретін төлқұжат пен куәлік сұраған. Ол 1 шілдеден бастап бұл заңға енгізілгеніне сенімді болған», - деді Табачникова. Алайда, полицейдің әріптестері қолданыстағы заңнамаға мұндай жаңалық енгізілмегенін айтқан. Сөйтіп велосипедшіні босатқан. Маусымда қалалық заңнамалық жиналыс депутаты Витали Милонов ІІМ-ге велосипедшілерге жүргізуші құқығын енгізуді ұсынған. Бірақ, велоқозғалыс белсенділері бұл бастамаға бірден қарсылық танытты.