Жоламан Биғабыл: Каратэден Олимпиада шыңын бағындырғым келеді
ТОЕХАСИ.KAZINFORM — Каратэден ұлттық құрама спортшысы Жоламан Биғабыл Жапониядағы жазғы Азия ойындарындағы жеңісі және алдағы жоспары туралы айтты.
Қазақстандық спортшы жарыстағы барлық жекпе-жегінің оңай болмағанын, алайда ол командамен бірге табысты жұмыс атқарып, жеңіске жеткенін тілге тиек етті.
- Команданың қолдауын айқын сезіндім. Жалпы, барлық жекпе-жек оңайға соққан жоқ. Бапкерлердің жосрары және тактикасын толықтай орындап, жеңіске жеттік. Ақтық сында өзбекстандық қарсыласпен айқастым. Осыған дейін кездеспегенбіз. Ол жекпе-жек барысында ара қашықтық сақтауға тырысты. Бірақ мен одан айламды асырдым,- деді ол.
Жоламан Биғазы алда тағы ұлкен бәсекелер күтіп тұрғанын айтты.
- Бұл тек бастамасы деп ойлаймын. Осымен тоқтамаймыз. Алда жабық Азия ойындары, келесі жылы әлем чемпионаты бар. Болашақта Олимпиада бағдарламасына кіріп жатса, мүмкін Олимпиада шыңын бағындырамыз,- деді спортшы.
Осыған дейін хабарлағанымыздай, Жоламан Биғабыл каратэден Азия ойындарының чемпионы атанды.
Сонымен қатар, каратэші Софья Берульцева Қазақстан қоржынына Азиаданың төртінші алтынын салды.
