Жолаушы ұшақ қозғалтқышынан шыққан отты видеоға түсіріп алды

АСТАНА. ҚазАқпарат - Талаканнан Иркутскке ұшып бара жатқан Ан-148 ұшағының жолаушысы оң жақтағы қозғалтқыштан шыққан алауды видеоға түсіріп алған, деп хабарлайды ҚазАқпарат.

30 қыркүйек күні болған оқиғаның кадрларын YouTube-тан көруге болады.
Ұшақ ұшып шыққан әуежайға сәтті қонған, деп хабарлайды жергілікті «Байкал 24» ақпарат агенттігі.

Видеоның сипаттамасында қозғалтқышта өрт болғаны айтылады. Сондай-ақ, желі қолданушылар бұл жағдайдың помпажбен байланысты болғаны туралы пікір қалдырған.

Жолаушылар резервтік бортпен Иркутскке жеткен.

Арнайы комиссия болған жағдайдың мән-жайын тексеріп жатыр.