«Жолаушылар тасымалы» АҚ жаңа жылға қарсаңында Астана мен Алматы арасында қосымша пойыз жүргізетін болды
АСТАНА. 23 желтоқсан. ҚазАқпарат - 2010 жылдың 24 желтоқсаны мен 2011 жылдың 4 қаңтары аралығында Жаңа жыл мерекесінің алдында және мейрам күндері тасымалдау бойынша халық қажеттілігін қанағаттандыру мақсатымен «Жолаушылар тасымалы» АҚ Алматы мен Астана арасында Алматы-2-Астана бағыты бойынша №35/36 қосымша пойызды жүргізетін болды, деп хабарлайды «Жолаушылар тасымалы» АҚ баспасөз қызметі.
Бұл пойыз төмендегі кесте бойынша жүреді:
-2010 жылдың 24, 26, 28 желтоқсан күндері және 2011 жылдың 2 қаңтар күні 20 сағат 54 минутта Алматы-2 вокзалынан аттанады. Астанаға сағат 18.44-те жетеді.
-2010 жылдың 25, 27, 29 желтоқсан күндері және 2011 жылдың 3 қаңтар күні Астана вокзалынан 22 сағат 05 минутта қозғалады. Алматы-2 вокзалына 21 сағат 38 минутта тоқтайды.
Алматы-2-Астана бағытындағы №35/36 пойызы 11 вагоннан тұрады, оның ішінде жеті вагон купе, біреуі СВ-вагон және үш плацкарт.
Бұл пойызды іске қосу арқылы мереке алдында және мереке күндері қосымша 3000-нан астам адамды тасымалдауға мүмкіндік туады.
Сонымен қатар қажеттілік туындаса халық талап еткен бағыттар бойынша жолаушылар пойыздарына қосымша вагондар жалғанбақ.
