Жолда қалған 400-ден астам жолаушы пойыздармен тасымалданды

АСТАНА. KAZINFORM – Жолаушылар пойыздары ауа райының қолайсыздығына байланысты жолда қалған 400-ден астам адамды тасымалдады.

«Қолайсыз метеорологиялық жағдайға байланысты осы жылдың 8 ақпанында «Жолаушылар тасымалы» АҚ 400-ден астам жолаушыны эвакуациялауды ұйымдастырды. Бұл күні республикалық маңызы бар автожолдарда шектеулер енгізілді», - делінген аталған компания таратқан ақпаратта.

Компания мәліметінше, жолаушыларды қала маңындағы электр пойыздары мен пойыздар тасымалдады:

- №7501- Ерейментаудан Астанаға дейін;

- №327 - Астана мен Бурабай курортынан Көкшетауға дейін;

- №6830 - Бурабай курортынан Астанаға дейін;

- №43 - Шоқайдан Астанаға дейін;

- №45 - Қарағандыдан Астанаға дейін.