Жолда жүріп бара жатқан көліктен өрт шыққанда не істеу керек
АСТАНА. KAZINFORM — ТЖМ құтқарушылары қозғалыс үстіндегі автокөлік өртенген жағдайда жасалатын іс-қимылды түсіндірді.
- үрейленіп, байбалам салмаңыз;
- көлікті тоқтатып, қозғалтқышын өшіріңіз;
- көліктен шығып, жолаушыларды түсіріп, бәрі қауіпсіз қашықтыққа (кемінде 10 метр) кеткеніне көз жеткізіңіз;
- 112 нөміріне қоңырау шалыңыз;
- тұтанған өрт шағын және әлі бықсу сатысында болса — өрт сөндіргішті пайдаланып, отты өзіңіз сөндіруге тырысыңыз;
- егер өрт салонда басталса, терезелер мен есіктерді беталды ашпаңыз. Оттегінің жетіспеушілігінен жалын сөніп, бықси бастауы мүмкін.
