Жолымбет кенішінде шахтаға түсіп кеткен адам мерт болды
КӨКШЕТАУ. Қарашаның 16-сы. ҚазАқпарат /Жанмұрат Жанайдаров/ - Ақмола облысы Шортанды ауданы аумағындағы Жолымбет кенішінде бір адам шахтаға түсіп кетіп, мерт болды,
деп хабарлайды ҚазАқпарат тілшісі облыстық төтенше жағдайлар департаментінің баспасөз қызметіне сілтеме жасап.
Өткен сенбі күні таңғы 6 сағат 25 минутта «Қазақалтын» мемлекеттік таукен комбинаты» акционерлік қоғамына қарасты Жолымбет кенішінің «Слепая №-4» шахтасында кезекті ауысым оралып келе жатқанда қайғылы оқиға тіркелген. Акционерлік қоғамда аккумуляторды реттеуші болып жұмыс істейтін 1958-ші жылғы Жолымбет кентінің тұрғыны шахтаға түсіп кеткен. Мәйіт шахта тереңдігінен арнайы әскери құтқарушылар көмегімен жер бетіне шығарылған. Қазір тергеу амалдары жалғастырылуда.
