«Жоңғар қақпасынан» жел электр стансасын салу 2014 жылы қолға алынуы мүмкін

«Биылғы жылы Қазақстанда жаңартылатын энергетика бағытындағы перспективалы алаңның бірі саналатын Ерейментау жел паркінің құрылысы басталатын болады. Бұл Астанаға жақын маңда. Екінші маңызды жоба - Шелек дәлізі. Оның құрылысы ағымдағы жылдың соңына немесе келесі жылы қолға алынады деп жоспарлануда. Сонымен қатар, Жоңғар қақпасында жел электр стансаларын салу жобасы да бар. Оның қуаты 20 МгВт-қа болжанады», - деді Премьер-Министрдің орынбасары.
Ә. Исекешевтің айтуынша, Жоңғар қақпасындағы жел электр стансаларын салу жобасы 2014 жылы қолға алынады. Бұл ретте Ерейментау жел паркі мен Шелек дәлізіндегі жобаларға «Самұрық-Энерго» АҚ инвестиция құюға әзір. Бизнес-жоспарлар да даярланған. «Ал Жоңғар қақпасындағы жобаға Әлеуметтік кәсіпкерлік корпорациялар арқылы жеке компанияның инвестициясы тартылуы мүмкін. Мәжілістегі заң жобасы қабылданса, осы жобаға инвестициялық қызығушылықтар да арта түседі деп ойлаймыз», - деді министр.