Жойқын тайфун Филиппинде 100 адамның өмірін қиып кетті

АСТАНА. 9 қараша. ҚазАқпарат - Аса жойқын "Хайян" тайфуны Филиппинде кем дегенде 100 адамның өмірін қиып кетті,

деп хабарлайды РБК.

Жүздеген адам хабар-ошарсыз кеткендіктен, қаза тапқандардың саны артуы мүмкін, деп хабарлайды Reuters агенттігі ел Үкіметіндегі жоғары лауазымды шенеунікке сілтеме жасап.

Бұрын 56 қаза тапқан адам туралы хабарланған. Негізінен Лейте аралындағылар зардап шекті. Мерт болғандардың көпшілігі - осы аймақтың тұрғындары.

Филиппин билігі тайфунның болатынын білген және 125 мың адамды қауіпсіз жерге шығарып үлгерді. Олар арнайы лагерьлерге орналастырылды.