ЖРВИ белгісі байқалғанда не істеу керек – маман кеңесі
Оның айтуынша, қала стационарларында 204 науқас ем алуда. 560 төсек-орын дайындалып, оның 38 пайызында науқастар жатыр.
«Жалпы амбулаторияларымызда қазір 705 науқас ем алып жатыр. Яғни қаладағы мобильді бригадаларымыз жеңіл симптоммен немесе мүлдем симптомсыз науқастардың үйлеріне дәрі-дәрмек апарып береді. Егер науқастың денсаулық жағдайы нашарлап, 103-ке немесе өз аумағындағы емханаға хабарласса, науқасқа мобильді бригада жіберіледі. Яғни дәрігер мен медбике тұрғынның үйіне келіп, анализ алады және диагнозы анықталса, қажетті дәрі-дәрмекті әкеп береді», - деді Т. Мұратов Нұр-Сұлтан әкімдігінде өткен брифингте.
Дәрігердің айтуынша, қаладағы негізгі салмақ амбулаториялық емхана жүйесіне түсіп отыр.
«Қазір әр емханада екі-үш фильтр-кабинет ашылған, бұл кабинеттер ЖРВИ белгілері байқалған науқастардың өзі келіп қаралуы үшін қажет. Ондай науқастар бөлек есіктен кіреді және сол фильтр-кабинетте дене қызуы өлшеніп, ПТР анализ тапсыра алады», - деп түсіндірді Тимур Мұратов.