Жұма күні республиканың басым бөлігінде боран соғады

АСТАНА. ҚазАқпарат - 28 қараша күні Қазақстанның солтүстік, шығыс және оңтүстік өңірінде қар жауып, боран соғады, жел күшейіп, көктайғақ болады, деп хабарлайды «Қазгидрометтің» баспасөз қызметінен.

Шығыс Қазақстан, түнде Ақмола, Қарағанды облыстарының бірқатар жерлерінде боран болып, желдің күші 15-20 м/с болады. Алматы, Оңтүстік Қазақстан облыстарында тұман болады, екпіні 15-20 м/с болатын жел соғады. Жамбыл облысының кей жерлерінде тұман, көктайғақ болады. Қызылорда облысының бірқатар аймақтарында жылдамдығы 15-20 м/с жел соғады. Солтүстік Қазақстан облысында тұман түседі.