Жүрек жұмысын жақсартатын жеміс

АСТАНА. ҚазАқпарат - Хасс сұрпы авокадосын күнделікті тұтынған жағдайда, жүрек қан тамырлары жүйесінің жұмысы жақсарады. Мұны ғалымдар анықтады. Олардың айтуынша, авокадо мен орташа май мөлшері толық және семіз адамдарда жүрек ауруы дамуы қаупін азайтады. Әрі авокадо майлы емес ас мөлшерін пайдалы етеді, деп жазады rosbalt.ru.

Майлылығы орташа және төмен тағамдармен диета ұстау төмен тығыздықтағы липопротеиндер көрсеткіштерін (зиянды холестерин) қысқартуға әкелетіні шындық. Алайда авокадоның болуы ғана төмен тығыздықтағы липопротеиндер бөлігінің көлемін қысқартуға мүмкіндік береді. Авокадомен диетаға отыру, төмен тығыздықты липопротеиндер көрсеткіштерінен басқа, төмен тығыздықтағы қышқылданған липопротеиндердің де деңгейін төмендетеді.

Мамандардың айтуынша, жүрек ауруының туындау тәуекелі тұрғысынан липопротеиндердің жалпы деңгейі ғана емес, олардың бөліктері мен мөлшері, тығыздығы мен қышқылдануы да маңызды.

Пенсильвания университетінен Пенни Крис-Этертон атап өткендей, төмен тығыздықты липопротеиннің тығыз бөлігі жиі қышқылдануға бейім, содан ірі, сонымен бірге жеңіл бөліктермен салыстырғанда, тамырда шөгінді қалыптастырады.