Журналист Пентагонның баспасөз хатшысы болады
АСТАНА. ҚазАқпарат - «Bloomberg TV» тілшісі Питер Кук Пентагонның жаңа баспасөз хатшысы болады, деп хабарлады АҚШ Қорғаныс министрі Эштон Картер.
«Питер Кук менің командама Пентагонның ресми өкілі ретінде қосылғанын қуана хабарлаймын», - деді әскери ведомствоның басшысы. Министр қарулы күштер үшін маңызды кезеңде әскери ведомствоның мүддесін қорғау үшін Питердің көпжылдық тәжірибесі керек болғанын айтты.
Осы уақытқа дейін Кук «Bloomberg TV»-дің вашингтондық бюросын басқарып келді. Оған дейін ол NBC және MSNBC телеарналарында жұмыс істеп, Қорғаныс министрлігі туралы хабарлар жариялады.
Пентагонда Кук өз жұмысын шілде айында бастайды, деп хабарлады «Росбалт».
