Журналистер 24 сағаттық ереуілге шықты
АСТАНА. 18 ақпан. ҚазАқпарат - ВВС корпорациясының журналистері жұмыс орындарының қысқартылуына қарсылық білдіріп, 24 сағаттық ереуіл өткізуде, деп хабарлайды Утро.ру.
Олар қызметтік міндеттерін тура бір тәулік орындамайды. Бұл әлемдік жетекші БАҚ-тардың бірінің теле- және радио таратылымына іркіліс алып келуі мүмкін.
ВВС басшылығының кадрлық шешімдері бес жылға есептелген шығындарды қысқарту бағдарламасының бір бөлігі болып табылады. Бұл мерзімде корпорация 2 мың жұмыс орнын қысқартуды жоспарлауда. 2004 жылдан бері ВВС-дағы жұмысынан 7 мың қызметкер айырылды.
