Жүздеген алматылық Дархан Жүнісбековты еске алу концертіне жиналды

АЛМАТЫ. ҚазАқпарат - Алматыда Darkhan Juzz сахналық атымен белгілі отандық әнші Дархан Жүнісбековты еске алуға арналған концерт өтіп жатыр, деп хабарлайды ҚазАқпарат тілшісі.

Арбатқа жиналған жастар музыканттың барлық танымал әндерін орындаушылармен бірге орындауда.
Концертті марқұм Дархан Жүнісбековтың достары мен әріптестері ұйымдастырды.
«Біз Darkhan Juzz - дің шығармашылық жолы басталған жерде тұрмыз. Бүгін Алғыс айту күні. Дархандай ұлы музыкант өмір сүрген заманда өмір сүріп жатқанымыз үшін Алла Тағалаға мың да бір шүкіршілік айтқым келеді. Ол өте жарқын жігіт еді. Мен жиналғандардың күлімдегенін қалаймын. Қайғымызға ортақтасып, қасымыздан табылғандарыңызға үлкен рахмет. Оның шығармашылығы мәңгі өмір сүретін болады», – дейді музыканттың досы Азат Әбікен.

«õzen» музыкалық лейблінің өкілі Айзатулла Хусейн Дархан Жүнісбеков бүгін Алматыдағы Кеңсай-2 зиратына жерленгенін айтты.
«Кеше мен Астанада болдым, онда концерт ұйымдастырылды. Мен үшін Астананың орны бөлек, себебі Дархан екеуміз сонда кездестік. Міне, кешегі концерт дәл Дархан екеуміз оның әндерін алғаш орындаған жерде өтті. Бүгін біз оны ақтық сапарға шығарып салдық. Ол қазір Батырдың (Батырхан Шүкенов – ред.) және өмірден өткен еліміздің көптеген танымал өнер қайраткерлері мен аңыз адамдардың жанында жатыр. Ол Кеңсай-2 мұсылман зиратына жерленді», - деді ол.
Еске салайық танымал әнші Darkhan Juzz 24 ақпан күні Таиландта жол апатынан қаза тапқан болатын.
Кейін Жүздеген алматылық қолдарына гүл шоқтары мен шам ұстап Арбатта қазақстандық музыканттың әндерін орындап, сол арқылы оның рухына тағзым етті.
Сондай- ақ әнші Darkhan Juzz-дің аяқталмаған альбомы жарыққа шығатыны белгілі болды.