Жүзуден Олимпиада чемпионы қолын сындырып алды
АСТАНА. ҚазАқпарат - Жүзуден Олимпиада чемпионы литвалық Рута Мейлютите қолын сындырып алды. Спортшы велосипедпен жаттығуға бара жатқан кезде жарақаттанып қалған, деп хабарлайды шетелдік БАҚ.
18 жастағы Мейлютитеге ота жасалып, екі апта бойы жаттығуға қатыса алмайды. Ол қалпына тек қазан айынының ортасында келуі мүмкін.
Айта кетейік, спортшы 2012 жылы Лондон Олимпиадасында алтын медаль алған. Әлем чемпионаттарында да үш медаль иегері. Әлемдік рекордтарды бірнеше рет жаңартқан.
