Жыл басынан бастап СҚО сыртқы сауда айналымы 195,9 млн долларды құрады
ПЕТРОПАВЛ. ҚазАқпарат - Жыл басынан бастап СҚО сыртқы сауда айналымы 195,9 млн АҚШ долларын құрады. Экспорт бойынша өңірдің негізгі әріптесі Ауғанстан (экспорттың барлық көлемінен 37,6%), Өзбекстан (20,0%), Тәжікстан (12,0), Бельгия (7,4%), Латвия (4,4%), Қытай (3,9%) болып табылады.
Облыстың негізгі экспорттық тауарлары бидай мен ұн, оның үлесі 65,4 пайызды құрайды.
Жыл басынан бастап жалпы сыртқы сауда айналымы 195,9 млн АҚШ долларын, экспорт - 72,2 млн. АҚШ долларын, импорт - 123,7 млн АҚШ долларын құрады, - деп атап өтті СҚО әкімінің баспасөз қызметінде.
Оның ішінде 2016 жылғы қаңтар-маусымда алыс және таяу шетелдермен сыртқы сауда айналымы 96,9 млн АҚШ доллары сомасында қалыптасты, бұл ретте экспорт 58,5 млн АҚШ долларын, импорт - 38,4 млн АҚШ долларын құрады.
Осы жылғы қаңтар-мамырда ЕЭО қатысушы мемлекеттермен өзара сауда-саттық көлемі 99 млн АҚШ долларын, оның ішінде экспорт - 13,7 млн АҚШ долларын, импорт - 85,3 млн АҚШ долларын құрады.
Импорттық өнімдерді көп жеткізушілер: Израиль (импорттың барлық көлемінен 30,7%), Қытай (18,6%), Украина (11,1%), Польша (4,9%).
Негізінен машина, жабдық, көлік химиялық өнеркәсіп, минералдық өнімдер, дайын тауарлар импортталады.
