Жыл басынан бері елорда халқының саны 7,5 мыңға жуық адамға көбейді
АСТАНА. ҚазАқпарат - Астана қаласы халқының саны ағымдағы есеп бойынша 2015 жылғы 1 мамырға 860 368 адамды, соның ішінде «Алматы» ауданы бойынша - 380 449 (44,2%), «Есіл» ауданы бойынша - 130 669 (15,2%), «Сарыарқа» ауданы бойынша - 349 250 (40,6%) адамды құрады.
Астана қалалық Статистика департаментінің хабарлауынша, 2015 жылдың басымен салыстырғанда Астана қаласы халқының жалпы саны 7486 адамға, соның ішінде «Алматы» ауданы бойынша - 595 адамға, «Есіл» ауданы бойынша - 3841 адамға, «Сарыарқа» ауданы бойынша - 3050 адамға көбейді, деп хабарлайды astana.kz. 2015 жылғы қаңтар-сәуірде халықтың табиғи өсімі 6803 адамды, көші-қон өсімі 683 адамды құрады. 2015 жылғы қаңтар-сәуірде Астана қаласы бойынша тұтастай алғанда, 8089 жаңа туылған сәби тіркелді, бұл өткен жылғы сәйкес кезеңмен салыстырғанда 5,4%-ға көп. Сонымен қатар, халықтың табиғи өсімі өткен жылғы қаңтар-сәуірмен салыстырғанда 4,7%-ға артып, 6803 адамды құрады. 2015 жылғы қаңтар-сәуірде АХАТ органдарында тіркелген некелесулер саны өткен жылғы сәйкес кезеңмен салыстырғанда 1,4%-ға, ажырасулар саны 9,8%-ға өсті.
