Жыл басынан бері Оңтүстік Қазақстан облысы әкімінің «жедел желі» телефонына мыңнан астам хабарлама түсті

«Олардың ішінде 839 хабарлама тіркелді. 454 хабарлама бойынша басқармалар мен департаменттердің басшылары ауызша түсіндірме берді», - деді ОҚО әкімі аппаратының құжаттық қамтамасыз ету басқармасының бөлім бастығы Нұрлан Шарафиев.

Ең белсенділер - Шымкент қаласының тұрғындары, олардан 785 хабарлама түсті. «Хабарламаларда аталған арыз-шағымдардың арасында жаңа проблемалар жоқ, олар негізінен тұрғындарды әлеуметтік қолдау, коммуналдық қызметтердің сапасы, тарифтерді реттеу тақырыптарына арналған», - деп атап өтті Н.Шарафиев. Оның айтуынша, тіркелген 839 арыз бойынша 461-інің мәселесі шешілді. «хабарламалардың арасында тек арыз-шағымдар ғана емес, алғыс айтудың фактілері де көптеп саналады. Мәселен, жуырда жол мен жаяу жүргіншілер соқпақтарын жөндегеніміз үшін алғыс айтылды», - дейді Н.Шарафиев. Жалпы жыл басынан бері «жедел желі» телефонына 79 алғыс хабарлама келіп түсті.