Жыл басынан бері сыртқы сауда тауар айналымы 19,7 млрд долларға жетті
НҰР-СҰЛТАН. ҚазАқпарат – 2021 жылдың 1-тоқсанында сыртқы сауда тауар айналымы 19,7 млрд долларға жетті. Бұл туралы ҚР Ұлттық экономика министрі Әсет Ерғалиев айтты, деп хабарлайды ҚазАқпарат тілшісі.
«2021 жылдың қаңтар-наурыз айларында сыртқы сауда тауар айналымы 19,7 млрд долларға жетті. Оның ішінде экспорт 11,5 млрд долларды құрады», - деді Ұлттық экономика министрі Үкімет отырысында.
Осы орайда министр шикізат емес тауарлар экспорты 15 пайызға өсіп, 4 млрд долларға дейін жеткенін атап өтті.
«Тауарлар импорты 8,2 млрд долларды құрады. Оң сауда балансы 3,3 млрд доллардан асып түсті», - деді Әсет Ерғалиев.
