Жыл басынан зейнетақы 1,7 трлн теңгеден астам сомаға төленді
НҰР-СҰЛТАН. ҚазАқпарат - Осы жылдың 7 айында қазақстандықтарға 1,7 трлн теңгеден астам сомаға зейнетақы төленді. ҚазАқпарат бұл туралы ҚР Еңбек және халықты әлеуметтік қорғау министрлігіне сілтеме жасап хабарлайды.
«2022 жылғы шілдеде республикалық бюджеттен зейнетақы төлемдеріне – 243,3 млрд теңге, оның ішінде базалық зейнетақыны төлеуге – 73,9 млрд теңге, ынтымақты зейнетақыны төлеуге 169,4 млрд теңге бөлінді», - делінген ведомство мәліметінде.
2022 жылғы 1 тамыздағы жағдай бойынша елдегі зейнеткерлер саны – 2 млн 247 мың адам. Ал зейнетақы төлемдерінің орташа мөлшері (базалық зейнетақы төлемін ескере отырып) 109 156 теңге болды.
