Жыл басындағы мәліметтер бойынша республикамызда 283 мың 744 заңды тұлғалар тіркелген- Статистика агенттігі

АСТАНА. Қаңтардың 24-і. ҚазАқпарат - 2009 жылғы қаңтардың 1-ндегі жағдай бойынша республикамызда 283 мың 744 заңды тұлғалар тіркелген.

Бұл туралы ҚазАқпарат ҚР Статистика агенттігінің мәліметтеріне сілтеме жасап хабарлайды. Агенттіктің ұсынған деректері бойынша, барлық тіркелген заңды тұлғалардың 268 мың 580-інде жұмыс істейтін азаматтардың саны 50-ге дейін болып отыр. Сондай-ақ, тіркелген заңды тұлғалардың бүгінгі таңда нақты қызмет етіп жатқандарының саны 176 мың 717-іні құрайды. Ал осы қызмет етіп жатқан заңды тұлғалардың шағын кәсіпкерлікпен айналысатындары 162 мың 579 болса, оның ішінде 116 мың 138-і - шағын бизнес субъектісі.