Жыл соңына дейін «Тұрғынүйқұрылысжинақбанкі» 74 тұрғын үй тапсырады

АСТАНА. 22 қазан. ҚазАқпарат - Жыл соңына дейін «Қолжетімді баспана-2020» мемлекеттік бағдарламасы аясында «Тұрғынүйқұрылысжинақбанкі» 6 мың пәтерлік 74 тұрғын үйді тапсырады. Бұл туралы бүгін Үкімет отырысында аталған банктің басшысы Айбатыр Жұмағұлов мәлім етті.

Оның айтуынша, биылғы жылы тапсырылатын баспананың ауданы - 384 мың шаршы метр, ал оның жалпы құны - 43,4 млрд. теңге.

Бағдарламаны іске асыру басталғалы банк пен жергілікті атқарушы органдар арасында жалпы ауданы 875 мың шаршы метр аумақтағы 13,7 мың пәтерлік 171 тұрғын үйдің құрылысы бойынша келісімдер бекітілді.

«2013 жылғы 1 қазандағы жағдай бойынша жалпы ауданы 324 мың шаршы метрдегі 5 мың пәтерлік 63 тұрғын үй пайдалануға берілді. Қалған 34 үйді біз алдағы кезеңде тапсыратын боламыз», - деді ол.