Зиратта жасырылған 2 тонна марихуана табылды

АСТАНА. 30 шілде. ҚазАқпарат - Мексика сарбаздары қорымдағы зираттардың біріне жасырылған 2 тоннадан астам марихуана тауып алды.

Бұл ақпаратты Agence France-Presse агенттігі елдің Қорғаныс министрлігіне сілтеме жасап хабарлады.

Әскери шолғыншы тапқан зират Тамаулипас штатындағы Сьюдад-Камарго қаласының жанындағы ауылда орналасқан.

Жалпы салмағы 2241 келіні құрайтын есірткі 241 пакетке салынып, олар екі зираттың құлпытасының астына жасырылған.