Елдос Бақтыбайұлы Сметов
Дзюдошы
Өмірбаяны
Жастар құрамасында өнер көрсеткен кезінде Елдос Сметов Қазақстан тарихындағы дзюдодан жастар арасындағы алғашқы әлем чемпионы атанды. 2010 жылы Мароккода өткен жастар арасындағы әлем чемпионатында 60 кг салмақ дәрежесінде алтын медаль жеңіп алды. Бір жылдан кейін Оңтүстік Африка Республикасында өткен әлем чемпионатында қола жүлдегер атанды
2012 жылдан бастап ересектер құрамасында өнер көрсете бастады. 2013 жылы жарты жыл ішінде Бангкоктағы Азия чемпионатында қола, Самсунда өткен Гран-при кезеңінде және Тбилисидегі Еуропа кубогында күміс, Варшавадағы ашық Еуропа кубогында алтын медаль иеленді
2015 жылы Астанада өткен әлем чемпионатында финалда қазақстандық балуан Рустам Ибраевты жеңіп, Қазақстан тарихындағы алғашқы ересектер арасындағы әлем чемпионы атанды
2016 жылы Ташкентте өткен Азия чемпионатында 60 кг салмақта чемпион болды. Финалда өзбекстандық Диёрбек Урозбоевты жеңді
2016 жылы Жазғы Олимпиада ойындары 2016 барысында күміс медаль иеленді. Финалда ресейлік Беслан Мудрановқа есе жіберді
2018 жылы Екатеринбургте өткен «Grand Slam» турнирінің жеңімпазы атанды
2019 жылы Антальядағы Гран-при турнирінде және Будапешттегі Гран-при жарысында жеңіске жетті. Сол жылы Токиода өткен әлем чемпионатында қола жүлде алып, қола үшін белдесуде отандасы Ғұсман Қырғызбаевты жеңді
Жазғы Олимпиада ойындары 2020 кезінде 60 кг салмақта қола медаль жеңіп алды. Қола үшін белдесуде нидерландтық Торнике Цякадоаны жеңді. Осы жетістігі үшін «Барыс» орденінің III дәрежесімен марапатталды
Токио Олимпиадасынан кейін 66 кг салмақ дәрежесіне ауысып, кейін қайтадан 60 кг салмаққа оралды. Ташкентте өткен әлем чемпионатында қола жүлдегер атанды
Жазғы Олимпиада ойындары 2024 барысында алтын медаль жеңіп алып, финалда француз дзюдошысы Лука Мхеидзены жеңді. Осылайша, Елдос Сметов Қазақстан мен Орталық Азия тарихындағы алғашқы Олимпиада чемпионы атанып, Олимпиаданың барлық дәрежедегі жүлделерін (алтын, күміс, қола) толық иеленген спортшы болды
Білімі
Әл-Фараби атындағы Қазақ ұлттық университеті
«Биология және биотехнология» мамандығы
Марапаттары
«Парасат» ордені
«Барыс» ордені III дәрежесі (2021)
«Барыс» ордені I дәрежесі (14.08.2024)
Қазақстан Республикасының еңбек сіңірген спорт шебері
«Дарын-2021» мемлекеттік жастар сыйлығының лауреаты
Фото
Елдос Сметов: Басты мақсатым – екі дүркін Олимпиада чемпионы болу
Елдос Сметов ұзақ үзілістен кейінгі жаттығуын көрсетті
Елдос Сметов «допингін» көрсетті
Елдос Сметов Олимпиададан кейін алғашқы жарысқа қашан шығады
Елдос Сметов «Жылдың үздік дзюдошысы» номинациясы бойынша шорт-параққа енді
