«Орта білім беру саласында біз стандарттарды жаңалап, жаңа оқу бағдарламаларын әзірледік. Бастауыш және орта білім беру саласына арнап 120 жаңа мектеп салдық. Келесі жылы тағы 110-нан астам мектепті қолданысқа беруді жоспарлап отырмыз. Осылайша, 2016 жылға қарай апатты жағдайдағы мектептер 30 пайызға, ал үш ауысыммен оқитын мектептер 2 есеге азаяды», - деді министр.
Оның айтуынша, кәсіби-техникалық білім беру саласында ҚР БҒМ дуальді оқыту жүйесін дамытуды баста мақсат етіп отыр.
ҚР БҒМ ақпаратына сүйенсек, бүгінде Қазақстанда жалпы білім беретін 7 563 мектеп бар. 2014 жылдың 1 қаңтарындағы мәлімет бойынша, 50 апатты жағдайдағы мектеп пен 27 үш ауысымды мектептің мәселесі шешілген.